კონფიდენციალურობა

მოკლედ: საიტი თქვენზე თითქმის არაფერს აგროვებს. ქვემოთ ზუსტად წერია, რას, რისთვის და რამდენ ხანს.

ვინ ვართ

საიტს რატი ლიკლიკაძე მართავს, თბილისიდან. კავშირი: Instagram, @19rl96.

საიტის დათვალიერება

• ანალიტიკის სკრიპტები, სარეკლამო ქუქიები და თვალთვალი აქ არ არის.
• შრიფტი ამავე საიტიდან იტვირთება, ამიტომ თქვენი IP მისამართი Google-ს არ ეგზავნება.
• საიტი Cloudflare-ის სერვერებზეა. Cloudflare უსაფრთხოებისა და მუშაობისთვის ტექნიკურ ჩანაწერებს შეიძლება ინახავდეს, თავისი წესებით.
• მენიუში ფოტოს რემიქსი თქვენს ბრაუზერში მუშავდება: ატვირთული ფოტო არსად იგზავნება.

შეძენა

შეძენა ახლა Instagram-ის პირადი მესიჯით ხდება, ამიტომ მიმოწერა Meta-ს წესებით ინახება. ჩვენ ვინახავთ თქვენს სახელს, Instagram-ის ანგარიშს, ელფოსტას, შეძენილ დონეს, თანხასა და შეკვეთის ნომერს.

რისთვის: ფაილებისა და უფასო განახლებების გამოსაგზავნად, დონის შეცვლისას სხვაობის დასათვლელად და იმ ჩანაწერებისთვის, რომლებსაც კანონი ითხოვს. სარეკლამო წერილს მხოლოდ თქვენი თანხმობით გამოგიგზავნით. ამ სიას არავის ვუზიარებთ.

შეფასება

შეფასების ფორმა მხოლოდ მყიდველისთვისაა, პირადი ბმულით. ვინახავთ ქულას, სახელსა და ტექსტს. შეფასება საიტზე მხოლოდ თქვენი თანხმობით ჩნდება, გადახედვის შემდეგ.

რამდენ ხანს ვინახავთ

მყიდველის მონაცემს ვინახავთ, სანამ განახლებებს გიგზავნით ან სანამ მის წაშლას არ მოითხოვთ, თუ კანონი უფრო დიდხანს შენახვას არ ითხოვს.

თქვენი უფლებები

შეგიძლიათ მოითხოვოთ ინფორმაცია იმაზე, რა მონაცემი გვაქვს, მისი შესწორება ან წაშლა. მოგვწერეთ Instagram-ზე, @19rl96. თუ პასუხი არ მოგეწონათ, შეგიძლიათ პერსონალურ მონაცემთა დაცვის სამსახურს მიმართოთ.

განახლდა: 2026-10-12